சொர்க்க வாசலுக்கு
அந்த அழைப்பு மிக மகிழ்ச்சியளித்தது. இரண்டு வருடங்கள். அவன் தலைவன் வாக்களித்த எழுபத்து இரண்டு கன்னிப்பெண்கள் துணைக்கு இரண்டு வருடங்கள் காத்திருக்க வேண்டி இருந்திருக்கின்றது. ஒரு பெண் தானாம்; அதுவும் சில மணி நேரங்கள்தானாம். செய்தியை கொண்டுவந்த தூதனிடம் கோபத்தை காட்டினான். “என்னிடம் ஏன் கோபப்படுகின்றீர்கள்? நான் வெறும் தூதன். உங்களுக்கு வாக்களித்தவர்களிடம் கேளுங்கள். பொறுமையாகக் கேட்டீர்கள் என்றால், எனக்குத்தெரிந்தவரை அதன் காரணத்தைச் சொல்ல முடியும்." “சொல்” என்று உறுமினான். “போரினாலும், இயல்பாகவும் இறப்பவர்களின் எண்ணிக்கை குறைந்து தான் இருக்கிறது. ஆனால், தற்கொலை செய்து கொள்பவர்களின் எண்ணிக்கை அதிகரித்துக் கொண்டிருக்கிறது. அதுவும் இந்த மாதிரி, அசட்டுத்தனமான வாக்குறுதிகளை நம்பி தற்கொலை செய்து கொள்பவர் அதிகரித்துக் கொண்டிருக்கிறார்கள். அதனால் இயல்பாகவே ஏற்படக்கூடிய தட்டுப்பாடு நிலவுகிறது. இறக்கும் பல இளம் பெண்கள் ஐஎஸ்ஐஎஸினால் பலாத்காரம் செய்யப்பட்டதால், அவர்கள் கன்னிகளாகவும் இல்லை. க...