Tuesday, August 15, 2017

Machine Learning

(Translation of my Tamil blog at http://justexperience.blogspot.in/2017/08/blog-post_15.html)

"Meet me tomorrow after three.  My classes get over by then.  Let's talk about your project."

He hesitated.

"Why? Aren't you available?"

Suddenly his face cleared.  "No Sir, I'll come."

I know.  It's a Friday, a day when new movies release.  He must have quickly altered the plan for me.

I have a soft corner for Tamilvaanan.  He comes from a family of farmers.  He has told me about the hard physical work their family goes through for a good part of every year.  He believes education can make a difference to his family.  He isn't sharp but is capable of hard work.

He's my only hope in a set of 20 ME students.  Most students join masters because either they didn't get a job or found a suitable alliance for marriage.  Tamil was clear about learning.

He came on Friday.

"Do you know anything about  Astrology?"

"No Sir.  I don't believe in it."

It's a surprise for me who used Linda Goodman for flirting during college days.  Generation gap, I thought.

"Well, nor do I believe in Quantum Mechanics.  But studied it.  So, you also need to study Astrology.  Basics should do.  I'll arrange for it."

"You also need to focus on machine learning.  It's a core course for you this semester.  So, pay attention to it as well.  Your project will be an application of machine learning on Astrology."

"I don't have great beliefs in Astrology, but I have seen a few surprises.  Given a horoscope, my friend could predict the physiology, teeth structure etc.  We will go just that far.  We will validate a correlation of a few attributes of people to the planetary positions in their horoscope.  For example, we will take politicians as an example.  Their prominent attributes are oratory, charisma, hard work, street-smartness, diplomacy etc."

"We won't do definite prediction but will look at the probability.  We will build an unsupervised learning with the horoscopes and the attributes of the subjects and form a cluster.  We will test it with a few samples to determine the probability of those subjects to be successful politicians.  This should be a good one to complete in six months.  If possible, I'll extend it, with a Ph.D. student next year to determine if I'll get my dinner.  We won't go that far now."

"I've spoken to Balu, my cousin.  Spend four hours tomorrow and day after with him to get the basics.  Remember to collect the reference books.  He may offer them to you, but I'd rather buy it for us.  The university library would take a year to get those books."

When I met Tamil on Monday, he looked dull.

"Sir, can I do a different project in Machine Learning?"

I stared at him coldly.

"Sir, my uncle doesn't like it, Sir.  We are traditionally a rationalist family for three generations.  We don't go to temples or believe in Astrology."

I lost my cool.

"Idiot!  Don't you realize that we have an opportunity to analyze Astrology without subjective interpretation by Astrologers?  This is a good chance to make use of Machine Learning for impartial analysis.  You may even prove that Astrology is all fake."

"But Sir,... what if it's not?"

மெஷின் லேர்னிங்

"நாளைக்கு மூணு மணிக்குமேல் வந்துவிடு.  எனக்கும் கிளாஸ் முடிஞ்சிருக்கும்.  உன்னோட பிராஜக்ட் பத்தி பேசலாம்.”

தயங்கி நின்றான். 

“வேற ஏதாவது வேல இருக்கா?” என்றேன்.

திடீரென்று முகத்தில் தெளிவுடன், “இல்ல சார். வந்திடறேன்.”   எனக்குத் தெரியும்.  வெள்ளிக்கிழமை புதுப்படம் ஏதாவது வெளியாகி இருக்கும்.  எனக்காக அதை ஒத்திப் போட்டிருப்பான்.

தமிழ்வாணன் மேல் எனக்கு ஒரு தனி கவனம் உண்டு.  விவசாயக்குடும்பத்தில் இருந்து வந்ததனால் இருக்கலாம்.  ஒவ்வொரு நாளும், பனிரெண்டு மணி நேரங்களுக்கு மேல் கடின உடல் உழைப்பில் அவன் குடும்பமே ஈடுபட்டதாக அவன் சொன்னதும் காரணமாக இருக்கலாம்.  கல்வியால் முன்னேறிவிடலாம் என்ற அவன் நம்பிக்கையால் இருக்கலாம்.  அதிக புத்திகூர்மை இல்லாவிட்டாலும், கடின உழைப்புக்கு அஞ்சாதவன்.

என் எம் ஈ மாணவர்களில் ஒரே நம்பிக்கை அவன் தான்.  இங்கு முது நிலை கல்வியின் நிலமை அது.  வேறு வேலை கிடைக்காதது, கல்யாணம் தள்ளிப்போவது போன்ற காரணங்களுக்காக  எம் ஈ சேருபவர்கள்தான் அதிகம்.  தமிழ் மட்டும்தான் இன்னும் தெரிந்து கொள்ள வேண்டும் என்ற ஆவலுடன் வந்தான்.

வெள்ளிக்கிழமை வந்தான்.

“உனக்கு ஜோஸியம் பத்தி என்ன தெரியும்.”

“அதுல எல்லாம் நம்பிக்கை இல்ல சார்.”  

படிக்கும் காலத்தில் லிண்டா குட்மனை கடலை போட பயன் படுத்திய எனக்கு கொஞ்சம் ஆச்சர்யம் தான்.  தலைமுறை இடைவெளி!

“எனக்கும் க்வாண்டம் மெகானிக்ஸ் மேல நம்பிக்கை இல்லை.  ஆனால் படிக்க வேண்டி இருந்தது. அதனால் நீயும் படிக்கணும்.  குறைந்தது அடிப்படையாவது தெரிஞ்சுக்கணும்.   நான் ஏற்பாடு பண்றேன்.”

“மெஷின் லேர்னிங் பத்தியும் நீ தெரிஞ்சுக்கணும்.  அது கோர்ஸ்லயே வந்திடும். கொஞ்சம் ஒழுங்கா படிச்சுடு.  இது ரெண்டையும் வெச்சுதான் பிராஜக்ட் பண்ணப் போறோம்.”

“எனக்கும் ஜோஸியம் மேல பெரிய நம்பிக்கை இல்லை.  ஆனால் நம்ம ஜோஸியத்துல சில ஆச்சர்யமான விஷயங்கள் இருக்கு.  கோள்களின் அடிப்படையில் பல விஷயங்கள கணிக்கிறாங்க.  என் நண்பன் ஒருவரோட ஜாதகத்தப் பாத்து அந்த ஆள் எப்படி இருப்பார், அவர் பல் எப்படி இருக்கும்னு கூட சொல்லி இருக்கார். நாம அந்த அளவுக்கு தான் தெரிஞ்சுக்கப் போறோம்.  ஒருத்தரோட ஜாதகத்த வெச்சு, அவரோட சில குணங்கள சரி பார்க்க போறோம்.  உதாரணத்துக்கு, அரசியல்வாதிகள் பலரோட சில அடிப்படை குணங்கள் இருக்கு.  பேச்சுத்திறமை, கவர்ச்சி, கடின உழைப்பு, சாதுர்யம் இப்படி பல.”

“இது ஒரு திட்டவட்டமான கணிப்பு இல்லை.  ஒரு பிராபபிலிடி தான்.  அதத்தான் மெஷின் லேர்னிங்க வெச்சு கணிக்கப் போறோம்.  இருக்கிற தகவல்களை, அதாவது ஜாதகங்களையும் அந்த ஜாதகரோட குணங்களையும் வெச்சு ஒரு அன்ஸூபர்வைஸ்ட் லேர்னிங் வெச்சு, க்ளஸ்டர் பண்ணுவோம்.   அதற்குப்பின், ஒரு புது தகவல்கள கொடுத்து, அந்த ஜாதகர் ஒரு அரசியல்வாதியாக முடியுமான்னு பார்க்கப் போறோம். சிம்பிள் ஒன் ஃபார் சிக்ஸ் மந்த்ஸ்.  பொழச்சுக்கிடந்தா, யாரயாவது பி.எச்டி ஸ்டூடண்ட வெச்சு எனக்கு அடுத்த வேள சோறு கிடைக்குமான்னு ரிசர்ச் பண்ணலாம்.  இப்ப அது வேண்டாம்.”

“என் கஸின் பாலுட்ட பேசிட்டேன்.  நாளைக்கும் நாளன்னிக்கும் உனக்கு டைம் கொடுத்திருக்கான்.  ஒரு நாலு நாலு மணி நேரம் உட்கார்ந்து கொஞ்சம் கத்துக்கோ.  ரெபரென்ஸ் புக்ஸ் என்னனு கேட்டு வாங்கிக்கோ. அவனே தருவான்.  வேணாம்னு சொல்லிடு.  நானும் கொஞ்சம் பணம் செலவழிக்கணும் இல்லையா?  லைப்ரரில வாங்கச்சொன்னா, ஒரு வருஷம் ஆகும்.”

திங்கட்கிழமை சோர்வாக வந்தான்.

“சார், மெஷின் லேர்னிங்கலயே வேற ஏதாவது பிராஜக்ட் செய்யாலாமா சார்?”

நான் முறைத்தேன்.

“இல்ல, வீட்ல சித்தப்பா திட்றாரு சார்.  நாங்கள்ளாம் பகுத்தறிவு கட்சி சார்.  கோவிலுக்கெல்லாம் போகமாட்டோம். ஜோஸியத்துல நம்பிக்கை இல்லை. அதனால…”

என் கோபம் எல்லை மீறியது.

“அறிவிருக்கா உனக்கு. இது வரைக்கும் சப்ஜெக்டிவா ஜோஸியர்கள் சொல்வதற்கு பதிலா, மனிதர்களின் சார்பில்லாமல், இதை ஆராய மெஷின் லேர்னிங்கற அற்புதமான ஆயுதம் இருக்கு.  இத வெச்சு ஜோசியம் எல்லாம் ஏமாத்து வேலன்னு கூட ப்ரூவ் பண்ணலாம்.  அது தான் பகுத்தறிவு.”

“வேணாம் சார்.  ஒரு வேள ஜோசியம் உண்மைன்னு ப்ரூவ் ஆயிருச்சுன்னா?….”

[பி.கு: இந்த விஷயத்தில் ஏற்கனவே ஆரம்பித்துள்ள ஆராய்ச்சி https://www.youtube.com/watch?v=UeHC9mfwKOg]

Sunday, August 06, 2017

ஸ்வச்ச பாரத்

"யூ  மே கோ  இன் சார்", என்றாள் உதவிப் பெண்.

"வா, வா, எத்தனை நாள் ஆச்சு பார்த்து.  எப்படி இருக்கே?  இன்னும் உத்தராகண்ட்ல தான் இருக்கேன்னு நினைச்சேன்." என்றாள் கமலா. கமலா அனந்தராமன்.  பிரின்ஸிபல்.

"அங்கதான் இருக்கேன்.  ஒரு வேலையா இந்தப்பக்கம் வந்தேன்.  உன்னையும் பார்த்துவிட்டுப் போலாம்னு வந்தேன்.  அப்படியே நாம மூணு வருஷம் முன்ன ஆரம்பிச்ச ஸ்வச்ச பாரத் எப்படி இருக்குன்னு பார்க்கலாம்னு இந்தப் பக்கம் வந்தேன்."

மூன்று வருடங்களுக்கு முன் ஆரம்பித்த ஒரு சிறு முயற்சி அது.  பிரதம மந்திரியின் தூய்மை பாரதம் பற்றி கமலாவுடன் பேசிக்கொண்டிருந்த போது, சிறு வயதில் சுற்றுப்புற தூய்மையை குழந்தைகள் தெரிந்து கொண்டால், 5, 10 வருடங்களில் பெரும் மாற்றம் கொண்டு வரலாம் என்று பேசினோம்.  அத்துடன், ஜப்பானில், பள்ளிகளில் துப்புரவு பணியாளர்கள் இல்லை என்றும் சொன்னேன்.  குழந்தைகளே, பள்ளி வளாகத்தை சுத்தமாக வைத்துக் கொள்ள பழகிக்கொள்கின்றனர் என்றேன்.

"இங்க குழந்தைகள சுத்தம் செய்ய சொன்னா, அப்புறம், தினமலர்ல போட்டு காச்சிருவான்.  டிஈஓ, ஸிஏஓன்னு நான் தான் பதில் சொல்லணும்."

"அப்ப ஒண்ணு செய்யலாம்.  பெற்றோர்களை வருடத்திற்கு ஒரு முறையோ அல்லது இரண்டு முறையோ அவர்கள் குழந்தைகளின் பள்ளியில் துப்புரவு செய்யச் சொல்லலாம். அவர்கள் செய்வது, குழந்தைகளுக்கும், பிற பெற்றோருக்கும் ஒரு ஊக்கமாக இருக்கலாம்.  உன் பள்ளியில் படிக்கும் குழந்தைகளின் பெற்றோர், குடிமை உணர்வு மேலானதாக இருக்கும் என்று நினைக்கிறேன்."

நான் அதை கிண்டலாகத்தான் சொன்னேன்.  சென்னையில் உயர் மத்திய வர்க்கம் இருக்கும் ஒரு பகுதியில் உள்ள பல பள்ளிகளில் அதுவும் ஒன்று.  எனக்கு  சென்னையின் உயர் மத்திய வர்க்கம் ஒரு ஹிப்போக்ரைட் சமூகம் என்ற திட்டவட்டமான எண்ணம் உண்டு. 

என் கிண்டலை, கமலா புரிந்து கொள்ளவில்லை. 

"நல்ல ஐடியா.  செய்வோம்.  அடுத்த பிடிஏ மீட்டிங்கில் இதைப்பற்றி பேசுகிறன்."

பின்னர் கமலாதான் எனக்கு போன் செய்தாள். 

"நீ சொன்ன ஐடியா எல்லோருக்கும் பிடித்திருந்தது.  பிடிஏல நான் பேசினப்புறம் எல்லா பேரண்ட்ஸும் உற்சாகமாக கலந்துக்க பேர் கொடுத்திருக்காங்க.  என் அஸிஸ்டெண்ட் ஜானகி தான் ஸ்கெட்யூல் எல்லாம் போட்டு மானேஜ் பண்ணறா.  யூ வில் ஸீ ய டிஃபரென்ஸ் நெக்ஸ்ட் டைம்." என்றாள்.

அதற்குப்பின் நான் அதை மறந்து விட்டேன்.  இப்போது தான் கேட்க வாய்ப்பு வந்தது.

"ஐ திங்க் வி டிட் இட்.  ஸ்கூல் எவ்வளவு நீட்டா இருக்குன்னு பார்.  முன்னாடி இருந்த துப்புரவு பணியாளர்களை ரீட்ரெயின் பண்ணி மற்ற வேலைக்கு மாத்திட்டோம். ஜானகிய கூப்பிடறேன்.  இந்த ஏரியாவில் மத்த ஸ்கூல்லெல்லாம் கூட ஃபாலோ பண்ணறாங்கன்னு கேள்விப்பட்டேன்."

என்னால் நம்ப முடியவில்லை.

ஜானகி, கமலாவுக்கு அடுத்த ஸீனியர், கண்டிப்பானவராகத் தெரிந்தாள். வரிசையில் கமலாவுக்குப்பின் அடுத்த ப்ரின்ஸிபல் அவள்தான் போலும்.  உற்சாகமாக சொன்னாள்.

"யெஸ், இட் ஈஸ் வொர்க்கிங்."

"எவ்வளவு பேரண்ட்ஸ் வராங்க."

"அது... வந்து"

"ஏன்? என்னாச்சு?"

"முதல்ல ஒரு மாசம், பேரண்ட்ஸ் ஒழுங்காதான் வந்திட்டு இருந்தாங்க.  அப்புறம் ஒரு பேரண்ட் அவர் ஆன்ஸைட் போற வேல வந்திடுச்சுன்னு, அவரோட டிரைவர அனுப்பிச்சார்.  அதே வாரம், இன்னோரு பேரண்ட், ஆபீஸ்ல மீட்டிங்னு, அவர் தம்பிய அனுப்பிச்சார்."

"இப்ப?"

"அது, முன்னாடி துப்புரவு வேலை செஞ்சுகிட்டிருந்தவங்களே கொஞ்சம் எக்ஸ்ட்ரா வருமானம் வரும்னு அவங்களே பேரண்ட்ஸோட பேசி செய்யராங்க."

வறட்சியாக சிரித்தேன்.  

"அப்புறம் பாக்கலாம் கமலா.  நைஸ் மீட்டிங் யூ ஜானகி."

வெளியே பள்ளி வாசலில், நீலச்சட்டை அணிந்த ஒரு இளைஞன்,  கையில் நோட்டுப்புத்தகம், பேனா சகிதம், ஒரு பெண்ணிடம் சொல்லிக்கொண்டிருந்தான்.

"இன்னிக்கு, நீ இங்க பாத்துடு.  நான், குமார நாளைக்கு இங்க வரச்சொல்லிட்டேன்.  அவனுக்கு சிக்‌ஷால தான் டூட்டி போட்டிருக்கேன்.  பதினோரு மணிக்கு வந்திருவான்."

Earlier Posts